Reklamasjon på korttenester

Kva kan du reklamere på?

- Du kan reklamere på transaksjonar frå fysiske forretningar, minibankar eller nettbutikkar.

- Årsaka til reklamasjonen kan til.dømes vere at ei vare du har bestilt ikkje er levert, at vara ikkje er som skildra eller at nokon har misbrukt kortet ditt.

- Du kan berre reklamere på transaksjonar knytt til eitt kort om gongen. Om du ynskjer å reklamere på transaksjonar knytt til fleire kort må du levere ein reklamasjon for kvart kortnummer.

Reklamasjon ved svindel eller tvist

Har du fått belasta ein sum dobbelt, ikkje motteke vare etter bestilling på internett eller er utsett for svindel på Visakortet eller Mastercardet ditt kan du be om å få tilbakebetalt beløpet gjennom reklamasjon. Reklamasjonen leverer du ved å fylle ut aktuell eigenerklæring ut frå kva årsak som ligg til grunn for reklamasjonen din. Er du blitt utsett for svindel eller er kortet ditt stole eller misbrukt skal du nytte eigenerklæring ved svindel. Er du ueinig i beløpet du er blitt belasta, ikkje har motteke ei vare eller teneste eller ikkje motteke pengar i ein minibank skal du nytte eigenerklæring ved tvist.

Eigenerklæring ved svindel Eigenerklæring ved tvist

Vilkår, tidsfristar og personvern

Vilkår

Dine rettar ved reklamasjon er regulerte i Finansavtalelova kapittel 2 om innskot- og betalingstenester samt i samsvar med Visa og Mastercard sine reglar og dei til ei kvar tid gjeldande vilkår for kortet ditt:

- Visa Bankkort

- Eika Kredittkort

- Eika Ansatt med privatansvar

- Eika Bedrift med bedriftsansvar
Tidsfristar

I samsvar med vilkåra for betalingskortet ditt samt Finansavtalelova § 37 pkt. 1 har du ein reklamasjonsrett forutsett at du set fram krav om tilbakeføring utan ugrunna opphald etter at du blei eller burde ha blitt kjend med saka og seinast 13 månader etter belastingstidspunktet.
Personvern

Vi er ansvarleg for handsaming av personopplysingane som blir oppgjeve og innhenta når du registrerer ein kortreklamasjon. Når du har registrert ei sak i den digitale løysinga vår og signert denne med BankID så blir opplysingane lagra i inntil 10 år.

Dersom du startar ei registrering, men ikkje sender inn saka så vil ikkje opplysingane dine bli lagra. Det same gjeld for reklamasjon du sender inn på papir

Spørsmål om personvern? Dersom du ynskjer informasjon om rettane dine knytt til sletting, innsyn, klage og samtykkje finn du det på personvernsida vår.

Les mer